Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu
2019ko urtarrilak 28Bilboko Campusa

San Tomas Akinokoaren eguna: Deustuko Unibertsitateak 1.700 tituludun berrien ikasketa amaiera ospatu zuen

Urtarrilaren 28an, San Tomas Akinokoaren egunean, hasi ziren Deustuko Unibertsitatean 2017-2018 ikasturtean ikasketak amaitu zituzten Bilboko eta Donostiako campusetako fakultateetako eta Begoñako Andra Mari Irakasle Eskolako ikasleen inbestidura ekitaldiak. Ekitaldi akademikoa elizkizunaren ondoren hasi zen. Francisco José Ruiz Pérez Teologiako dekanoak eskainitako homilia.


Guztira, 1.732 ikasle izan dira ikasketak amaitu dituztenak. Horietatik, 314 Zuzenbidekoak dira; 6, Teologiakoak; 380, Psikologia eta Hezkuntzakoak; 361 Ekonomia eta Enpresa Zientzietakoak; 375, Gizarte eta Giza Zientzietakoak; 141, Ingeniaritzakoak; 3, Erlijio Zientzien Goi Institutukoak; eta 152, Begoñako Andra Mari Irakasle Eskolakoak. Tituludun berri horiei 2018an doktorego tesiaren defentsa egin zuen 77 doktore berri ere gehitu behar zaizkie.


Ekitaldi akademikoan, Teologiako Fakultateko tituludun berrien eta doktore berrien inbestiduraz gain, Karrera amaierako DU Sariak eman zitzaizkien ikaslerik bikainenei, Honors Programakoak eta Mendieta eta Lambarri Fundazioarenak. Era berean, Informatikako Ingeniaritza eta Telekomunikazioak doktorego programako Maite Frutosek eta Psikologiako Doktorego Programako Zaira Gonzálezek, Doktorego Tesirik onenarentzako Ignacio Ellacuría Sari Berezia jaso dute euren lanengatik: “Multi Variable Analysis of Gaze and Interaction for Real Time User Profiling in Cognitive Intelligent Therapies based on Serious Games” y “Estilo cognitivo de looming y ansiedad social: Influencias de esquemas disfuncionales y experiencias de maltrato”, hurrenez hurren. Horrez gain, Deustun bere laneko ibilbidea amaitu duten irakasle emeritu, bestelako irakasle eta lankideei ere omenaldia eskaini zitzaien ekitaldian.


Hala, San Tomas Akinokoaren eguna unibertsitateko elkartearen egun bihurtu zen. Egun pozgarria izan zen, titulua edo diploma eskuratu zuten Deustuko Unibertsitateko doktoreentzat, lizentziatuentzat eta Teologiako Batxilerrentzat, graduan ikasketa espediente onak izan dituzten saridunentzat, eta Unibertsitateko zerbitzuan urte luzeak eman dituzten omenduentzat. Bakoitzak bere esparruan egindako lan bikainagatik eskerrak emateko eguna izan zen.


José María Guibert errektorearen hitzak


José María Guibert errektoreak, hitzaldiaren zati batean, doktoreei buruz hausnartu du. Orain dela gutxi egindako ikerketa aipatu du, iradokitzen duena doktoregaiaren arrakastarako bidean nortasunaren elementu asko daude, intelektual eta akademikoez gain. Doktore berri asko, hasieran oso pertsona lantsuak direlako hasten dira. Ondoren, euren gaitasunak hobetzen joaten dira. Ikertzeko artean hobetzen ikasten dute, hobetu egiten dute analisirako gaitasuna eta idatzizko komunikaziorako gaitasunak. Eta, euren idatzien bitartez, ahots garrantzitsua izaten ikasten dute. Hori dela eta, hark uste du “doktoregoa proba intelektuala baino gehiago izaera proba da. Nortasun kontua, gaitasun intelektualena baino gehiago”.


Hori dela eta, errektoreak uste du unibertsitateko ikasketa prozesuetan euretan ere erronka dugula ikertzeko mentalitate eta jarrera sortzekoa. Lanbide bat garatzen den testuinguruan pentsatzen baduzu, uste du aurrera egin eta irakatsi ahal izateko ebidentzia zientifikotik abiatu behar dugula eta pentsatuta zein diren arlo bakoitzeko ezagutzaren mugak. Horrela ikusiko dugu gehiago jakin beharra dugula.
“profil profesional asistentzial hutsa izatetik edo egiteko praktikoak burutzetik, ebidentzia zientifikoa sortzeko eta gehiago jakiteko beharra sustatzen duten profiletara pasatu gaitezke”. Lanbide errutinarioetatik, alboritmoen bidez protokolizatuak, laneko arlo gehienetan I+D izatera. Berritzeak ematen du aukera ekonomia garatzeko eta kalitatea eta lanpostuetako produktibitatea hobetzeko, eta ez gaitzaten makinek ordezkatu.”


Errektoreak dioenez, helburua da ikerketa izatea prestakuntza prozesuaren beraren oinarrietako bat izatea, eta lortzea ikaskuntza jarduera praktikoa izatea ikerketarekin batera. “Lan egin behar dugu, ikasleak euren diziplinetako datu guztien kudeaketan nagusi izan daitezen, ikas dezaten ebidentzietan oinarritzen eta ezagutza sortzen eta ikerketa zentroetara eta taldeen lanera hurbildu daitezen”.


“Deusturen kasuan, azken urteotan asko gehitu da Europako ikerketa proiektuetako parte hartzea. Aurrerapen hori unibertsitateak garatzen dituen plan estrategikoetako sustapen eta ekintzen emaitza da, eta seinalea da mileurteko hasiera honetan gero eta zientzia gehiago egiten dugula eta sortzen dugun ebidentziatik egiten dugula lan”, adierazi du. Baina adierazi du, ikerketa zer den eta ikertzeko mentalitatea ikasketa prozesuan nola txertatu pentsatzeaz gain, “zein funtzio sozial duen ere pentsatu behar dugu”.
Haren iritziz, ikerketak, ebidentzia sortzeak edo pentsamendu kritikoak gizartean irtenbide egonkorrak aurkitzeko laguntzeko eginkizuna izan dezake, gure testuinguruan. Erronka da arazoen pertzepzio subjektibo batetik, arazo erreal horiei eta aplikatutako irtenbideei ekarpenak egitea. “Arrazoi eta ebidentzietan oinarritutako soluzioen ekarpena egitea, populismoak eta estremismoak, edo onkeria alde batera utzita. Guzti hori justizia sozialari eta askatasunari lotutako gizarteko balio batzuetatik abiaturik, utilitarismo egoista eta erosotik harago”, adierazi du.


Horretaz gain, esan du gure kulturak duen “Egiteko intelektuala ez da bestei esatea zer egin edo pentsatu behar duten. Unibertsitatearen eginkizuna askatasunez pentsatzea eta irtenbideak ematea da”, zehaztu zuen.
Errektoreak, ekitaldiari amaiera emateko, adierazi du izendatu berriek jakin behar dutela jakituria erabiltzen zerbitzu funtzioarekin eta denon onerakoa sustatu behar dutela jakintza eta zientzia oinarri izanik.


Díscurso íntegro del rector José María Guibert


Beste izendapenak


Urtarrilaren 28tik aurrera, ospatuko dituzte gainerako fakultateek inbestidura ekitaldiak egutegi honen arabera: Bilboko Zuzenbidea eta Donostiako Gizarte eta Giza Zientziak, otsailaren 2an; Bilboko Gizarte eta Giza Zientziak eta Donostiako Psikologia eta Hezkuntza, otsailaren 9an; Bilboko Psikologia eta Hezkuntza, otsailaren 22an eta 23an; Bilboko Ekonomia eta Enpresa Zientziak (gradu bikoitzak), martxoaren 2an; Bilboko Ingeniaritza, martxoaren 29an eta 30ean; Bilboko Ekonomia eta Enpresa Zientziak, apirilaren 6an; eta Donostiako Ekonomia eta Enpresa Zientziak, apirilaren 13an.

Ekitaldiko argazkiak
 

 

 


 

 

28/01/2019 - Santo Tomás de Aquino